Një ngjarje e rëndë është shënuar mbrëmjen e sotme në autostradën Fier-Vlorë ku si pasojë e një atentati me armë zjarri ka mbetur i vrarë 30-vjeçari Kristian Marku.
Ngjarja ka ndodhur në afërsi të fshatit Novoselë. Gazetarja e TV Klan, Greta Haskaj raporton se 300 metra nga vendi i atentatit është gjetur e djegur makina nga e cila është qëlluar drejt viktimës.
“Saktësisht makina ka qenë në lëvizje dhe është qëlluar nga një automjet tjetër në lëvizje i cili dyshohet se është gjetur i djegur totalisht 300 metra larg zonës ku ka ndodhur atentati”, u shpreh gazetarja Greta Haskaj.
Ndër të tjera gazetarja ka raportuar se janë gjithashtu dy automjete të tjera që janë përplasur me automjetin tip “Volkswagen” i cili duke qenë se është ndaluar me trafikndarësen përgjatë autostradës është bërë shkak edhe i këtij aksidenti ku janë përfshirë edhe dy automjete të tjera.
Ndërkohë sa i përket autorëve, nuk ka asnjë të dhënë, teksa në vendngjarje kanë shkuar forcat e policisë që kanë bërë rrethimin e zonës dhe pritet sqarimi i ngjarjes./tvklan.al
