Një 56-vjeçar është ekzekutuar me armë zjarri mbrëmjen e sotme në Tiranë.
Policia ka njoftuar se autori/ët kanë qëlluar me armë zjarri në drejtim të automjetit që drejtonte viktima.
Ngjarja e rëndë ka ndodhur rreth orës 20:40, në vendin e quajtur “Pallati me Shigjeta” në rrugën “Myrte Zeneli” në Tiranë.
Sipas informacioneve paraprake, Klan News raporton se autorët janë larguar me motor drejt zonës së Selitës.
Një grup i posaçëm hetimor nën drejtimin e Prokurorisë ndodhet në vendngjarje dhe vazhdon punën për sqarimin e rrethanave të ngjarjes, identifikimin dhe kapjen e autorit/ëve të dyshuar.
Shërbimet e Policisë kanë ngritur pika kontrolli dhe po ushtrojnë kontrolle në zonë për kapjen e autorit/ëve.
