Autori i krimit të rëndë në Kavajë, Musa Saraçi, 24 vjeç i tha policisë se e vrau taksistin Idriz Kariqi 65 vjeç vetëm për ti grabitur makinën. Ai është marrë në pyetje nga policia ku ka pranuar autorësinë dhe ka rrëfyer gjithë ngjarjen.
24 vjeçari kishte marrë taksi mbrëmjen e 14 Dhjetorit përpara spitalit të Kavajës. Ai i ka kërkaur shoferit Idriz Kariqi, 65 vjeç që ta çojë në grykderdhjen e Shkumbinit.
Në fshatin Greth të njësisë administrative Kryevidh në anë të rrugës ai e ka vrarë taksisin, duke e prerë me thikë në fyt. Autori i tha policisë se donte vetëm ta grabiste por më pas nga frika se ai do të denonconte i ka marrë jetën në mënyrë makabre duke i prerë fytin.
Ai ka nxjerr trupin e viktimës dhe e ka hedhur në shkurre, ka marrë makinën dhe pas disa minutash është përplasur. Saraçi ka dërguar makinën në servis. Aty është konstatuar edhe krimi pasi ka pasur gjurmë gjaku në makinë. Disa minuta me pas ka perplasur taksine dhe e ka çuar ne nje servis. Mbrëmjen e djeshme (15 dhjetor) policia arriti të arrestojë autorin. Pas arrestimit, 24 vjeçari, Musa Saraçi nga Gosa e Kavajës ka treguar te gjithe ngjarjen dhe vendin ku e kishte hedhur trupin e viktimes.
Policia gjeti mbrëmjen e djeshme trupin e viktimës dhe familjarët e terhoqen sot nga morgu për ta përcjell në banesën e fundit. Ata kanë qenë të parët që kanë sinjalizuar policinë për zhdukjen e 65 vjeçarit, pasi kishte dalë për punë dhe nuk ishte kthyer mbrëmjen e 14 dhjetorit. Një natë më pas, policia i ka lajmëruar se i afërmi i tyre është gjetur pajetë./Opinion.al
