Gjykata e Igumenicës vendosi sot arrest me burg për dy të arrestuarit Emiljano Nana dhe Pajtim Jaupaj. Sipas mediave greke, njëri prej tyre ka treguar para hetuesve të gjithë skenën e krimit.
Në kërkim është edhe një person i tretë, i cili është kushëriri i Bledar Terpollarit, dhe që mendohet se fshihet në Shqipëri. Sipas tyre, ky person i tretë, vrau Bledar Terpollarin, i preu kokën dhe e mori me vete për t’ia dërguar në Shqipëri personit që kishte dhënë urdhër për të kryer këtë krim mafioz.
“Shkuam të tre tek kasollja dhe i ramë portës, ndërkohë që ai hyri brenda e në ndenjëm jashtë. Dëgjuam një të shtënë arme e më pas pamë që doli me trupin e Bledarit. Nxori një thikë dhe i preu kokën. Me pas e futi atë në një thes duke na thënë se do ta çonte në Shqipëri, t’ja tregonte atij që e kishte porositur”, shkruan CNN në gjuhën greke.
Sipas hetimeve, Terpollari u vra për 20 mijë Euro, para droge që i kishte mbajtur nga shitja e lëndëve narkotike. Kreu i grupit të drogës që vepron në Greqinë Veriore kishte dhënë urdhër për vrasjen e shqiptarit.
