Pas rreth 5 muajsh në arrati, është vetëdorëzuar në polici Albano Kusi. 28-vjeçari u vetëdorëzuar pas negociatave me avokatin dhe familjarët. Ai ishte shpallur në kërkim pasi prokuroria e akuzon se ka penguar autoritetet për zbardhjen e një vrasje.
Në 22 gusht rreth orës 11.00, në rrugën Muhamet Gjollesha në Tiranë, në ambientet e katit të parë të godinës tre katëshe në pronësi të shtetasit Bujar Kusi, ai ka kryer veprime që pengojnë zbulimin e së vërtetës, në lidhje me vrasjen me armë zjarri të shtetasit Indrit Çelaj.
Për vrasjen e të riut, që ishte dhe teknik kondicioneri nëburg janë Bujar Kusi, Ali Sula dhe Ferdinand Bakalli, ndërsa në arrest shtëpie Luan Çaka. Vëllai tjetër, Griseldo Kusi, që gjithashtu ishte në kërkim, u vetëdorëzua disa javë më parë.
Si ndodhi vrasja
Indrit Çelaj u qëllua me plumb në kokë teksa ishte duke kryer punime në tualetin e katit të parë për montimin e kondicionerit. Dëshmitë e dy punonjësve të tjerë i treguan prokurorisë së Griseldo Kusi i kërkoi llogari Çelajt për një vrimë që po hapte në mur, e më pas e qëllon me pistoletë. Vrasja e Çelajt nga Griseldo Kusi u përforcua edhe më shumë nga dëshmia e Lorenc Veliaj. Ky i fundit i tha policisë se Griseldo i kishte kërkuar të merrte përsipër krimin, pasi ishte edhe në kërkim policor. / Opinion.al
