Policia e Durrësit ka vënë në pranga djemtë e familjes Meta.
Dyshohet se autorë të vrasjes në fshatin Shënvlash janë, vajza 19-vjeçare dhe dy vëllezërit.
Paraprakisht bëhet e ditur se në krim kanë marrë pjesë vajza dhe vëllezërit.
Dyshohet se në vrasjen e 49-vjeçarit Pëllumb Meta janë bashkëpunëtorë dhe dy djemtë e tij, vëllezërit e Hygertës, Hysen Meta 25 vjeç dhe Amarildo Meta, 21 vjeç.
Dyshohet se dy vëllezërit pas krimit e ndihmuan motrën për ta dërguar makinën e për ta lënë tek Currilat dhe për të fshehur më pas trupin e të atit.
19-vjeçarja, Hygerta Meta dyshohet se vrau të atin Pëllumb Meta me katër plumba dhe më pas e groposi në kasollen e bagëtive. 19-vjeçarja është studente e Fakultetit të Gjuhëve të Huaja dhe ndërmori aktin e rëndë, pasi viktima donte ta fejonte pa dëshirën e saj.
