Protestat për vrasjen e 25-vjeçarit, Klodian Rashës janë shtrirë edhe jashtë Tiranës. Në qytetin e Kukësit një grup të rinjsh, me pankarta në duar “A keni femijë ju”, kanë protestuar për ekzekutimin e të riut.
Qytetarët kërkuan dorëheqjen e ministrit të Brendshëm, Sandër Lleshaj dhe drejtueseve të policisë së shtetit.
“Kjo është fytyra e Sandër Lleshit. Sot jemi mbledhur para policisë vendore si qytetarë të lirë për të shprehur indinjatën tonë dhe të rinjve shqiptarë për këtë akt kriminal”, u shprehën ata.
Në protestën e zhvilluar janë hedhur gjithashtu akuza edhe për Policinë e Shtetit duke e cilësuar si të korruptuar dhe kriminale.
Kujtojmë që ditën e sotme edhe të rinjtë e FRPD-së kanë zvilluar një marshim nga Ministria e Brendshme në drejtim të Kryeministrisë, për të ngritur zërin dhe reaguar për vrasjen e të riut Klodian Rasha nga një efektiv policie./ Opinion.al
