Katër të arrestuarit për vrasjen e 42-vjeçarit Devi Kasmi do të vijojnë të qëndrojnë në burg. Ka qenë ky vendimi i dhënë këtë të enjte nga Gjykata e Apelit në Tiranë, në seancën ku ishte kërkuar ndryshimi i masës së sigurisë.
Apeli rikonfirmoi masën arrest me burg për ish-agjentin e policisë greke, Efthimios Efthimiu i dyshuar si ekzekutori i vrasjes. E njëjta masë u dha edhe për 3 të arrestuarit e tjerë që akuzohen si bashkëpunëtorë, Elton Halipaj, Malvin Dinellari dhe Elton Hoxhallari.
