Kanë kaluar 8 muaj nga vrasja e politikanit serb në Mitrovicën e Veriut, Oliver Ivanoviç. Ende asnjë person nuk është vënë në pranga, duke mbetur ende një ngjarje pa autor. Sakaq, bashkëshortja e tij me 4 fëmijët, Milena është vendosur në Beograd, madje po punon në kabinetin e kryeministres serbe, Bernabiç.
Një ditë pas atentatit ndaj të shoqit, Milena do të shprehej: Ata që kanë bërë krimin, nuk do të flenë rehat”, por tashmë duket se e veja e Ivanovic ka ndryshuar mendim, raporton lajmi. Net.
“Në atë moment kam menduar ndoshta në një mënyrë tjetër nga sa mendoj tani… Porosia ishte e drejtuar në të gjithë ata që e kishin bërë atë krim, gjithsesi që ata që janë fajtor dhe e kanë kryer krimin duhet të dënohen”, ka thënë ajo.
“Prej asaj kohe kam punuar në grumbullimin e informacioneve, po e bëj vetë një lloj hetimi. Po flas me të tri palët edhe me serbët edhe me shqiptarët edhe me të huajt. Po mundohet që të kem të qartë se cili ka qenë shkaku për krimin. Nuk dua t’i komentoj informacionet dhe detajet deri tek të cilat kam arritur, që mos të ndikoj në hetime të cilat ende po vazhdojnë, por do të shohim se si do të përfundojë dhe se a do të jetë hetimi im ndoshta më i suksesshëm se i atyre që zyrtarisht po e kryejnë”, ka shtuar znj.Ivanoviç.
Ajo ka folur dhe për takimin me presidentin e Serbisë, Aleksandar Vuçiç.
“Kam marrë informacione për hetimin e prokurorisë sonë të cilat për mua ishin të rëndësishme. Nuk do ta nxjerrë asnjë informacion, nuk dua që mua dikush të më akuzojë për diçka… Disa informacione janë të ngjashme më të miat, disa jo. Po i bashkojë katrorët në mozaik”, ka theksuar ajo.
“Oliveri ka luftuar kundër kriminalitetit… në llogarinë e tij në tëitter mund t’i lexoni se për çka ishte angazhuar ai. Ne kemi ndjerë tensionet që nga vitit 2014, që nga arrestimi i tij, që nga momenti që ka ndodhur çfarë ka ndodhur”, ka shtuar ajo. Milena tha se z. Vuçiç ka qenë I informuar se çfarë ndodhte në Mitrovicë, pasi Ivanoviç ka komunikuar disa herë ka komunikuar me të.
Ndërsa për jetën pas vdekjes së bashkëshortit, thotë: “Punoj për kulturë në kabinetin e kryeministres, nuk e kam refuzuar ofertën, e kam pranuar punën pasi vlerësoj se jeta duhet të vazhdoj, duhet të bëjë diçka për vete dhe për fëmijët e mi”.
