Historia e vrasjes së 17-vjeçarit shqiptar, Ismail Luli që tronditi opinionin publik, vazhdon të mbulohet nga misteri.
Fillimisht, Igli Meta, 21 vjeç pranoi se kishte kryer vrasjen e Lulit.
Këta tha se e kishte bërë për shkak të xhelozisë pasi mësoi se e dashura e kishte tradhtuar me të.
Ndërsa Marjo Mema, 22, pranoi se kishte ndihmuar shokun e tij që të hakmerrej.
Por, gjatë seancës së fundit dëgjimore, Meta ka ndryshuar dëshminë e tij.
“Goditjen e fundit me thikë Ismailit ia dha Marjo, jo unë”, tha para gjykatësve Igli.
Vetë Marjo Mema thotë se, ai nuk ka qenë pjesëmarrës në krim, pasi ka qëndruar larg duke refuzuar kështu versionin e mikut të tij.
“Isha shumë larg, nuk është e vërtetë që e kam qëlluar me thikë”, tha Mema.
Ismail Luli u vra në korrik të vitit 2015 në Sant’Angelo në Itali.
Igli Meta dhe Marjo Mema e futën në kurth Ismail Lulin pasi i dërguan një SMS nga telefoni i Ambera Salijit, dukë lënë takim.
Dy të rinjtë e morën me dhunë me makinë, 17-vjeçarin dhe e dërgua në një zonë pyjore.
Fillimisht ata e lidhën dhe më pas e ekzekutuan me një biçak. Për të humbur gjurmët, ata i dërguar nga telefoni i Ismailit një SMS nënës së tij, ku i bënin me dije se Luli do të shkonte në Milano./Panorama
