Më 14 tetor 2011, në orën 09:00, Gjykata e Lezhës ka nisur seancën gjyqësore për mosmarrëveshjen e pronësisë mes dy familjeve për një sipërfaqe toke me sipërfaqe 10 dynymë (aktualisht kënetë) në zonën e Shëngjinit. Sipas të dhënave nga Gjykata, procesi civil në Gjykatë zhvillohej mes familjeve Ndreu dhe Zefi. Të pranishëm në seancë kanë qenë të afërm të dy familjeve që po qëndronin në ambientet brenda dhe jashtë Gjykatës së Shkallës së Parë të Lezhës.
Si pasojë e pretendimeve mbi procesin gjyqësor që po zhvillohej mes anëtarëve dhe të afërmve të dy familjeve respektive, ka ndodhur një konflikt i ashpër verbal dhe fizik. Për pasojë ka mbetur i vrarë 35vjeçari Endri Pal Bejtja, nga fshati Abat i Shkodrës, banues në Torrovicë të Lezhës.
Pas ngjarjes së ndodhur në oborrin e Gjykatës së Lezhës, policia arrestoi shtetasit Alban Deda, V. Bershimi, Ermal L., Sokol S. Dhe Mëhill N. Ndjekja penale vazhdoi më pas për Dritan Lorencin dhe Alban Deden, të cilët ditën e djeshme kanë marrë pafajësi nga Gjykata e Laçit.
Prokuroria ka thënë se në bazë të një akti që është në fuqi, do ta apelojë vendimin e dhënë dje nga gjykata.
