Gazetarja Emi Kalaja deklaroi në emisionin “Opinion” se familja Shkambi dhe 30 familjet e tjera kanë patuar konflikt të vjetra në lidhje me pronësinë e një godine këto familje jetonin.
Konflikt ky që u bë shkak për vrasjen në Gjykatën e Apelit të gjyqtarit Astrit Kalaja si dhe për plagosjen e dy personave të tjerë palë në procesin e gjyqit për pronësinë e godinës.
Kalaja tha se përplasja ka filluar në vitin 2012, kur Gjon Shkambi pretendoi se ishte trashëgimtar i një prone trualli, që në fakt kishte qenë pronë shtetërore dhe mbi të ishte ndërtuar gjatë periudhës së komunizmit. Pretendimi i Shkambit përfshinte vetëm truallin, jo ndërtesën ekzistuese.
“Në vitin 2012 ka ardhur Gjon Shkambi me pretendimin se është trashëgimtar i pronës. Është ndërtuar në periudhën e komunizmit, është pronë shtetërore. Ai kishte pretendimin se ishte pronë e trashëguar. Ai kishte pretendime për truallin, jo godinën. Më pas ishte ndërtuar në periudhën e komunizmit. Ka patur një vendim përmbarimi dhe ka patur skena dhune mes familjes Shkambi dhe 31 banorëve të tjerë me të cilët ishin në konflikt” deklaroi gazetarja Kalaja.
Fillimisht, Gjon Shkambi fitoi çështjen në Gjykatën e Shkallës së Parë, por më pas rasti kaloi në Apel dhe më tej në Gjykatë të Lartë. Për vite me radhë, familja Shkambi ka tentuar të privatizojë pronën, por nuk ka arritur të fitojë të drejtën ligjore për të.
Kalaja tregon se konflikti nuk u mbyll kurrë. “Në katin e tretë të godinës, aktualisht jeton një anëtar i familjes Shkambi, ndërsa banorët e tjerë, 31 familje, kanë denoncuar në mënyrë të përsëritur në Prokurori faktin se Gjon Shkambi qarkullonte i armatosur dhe i kërcënonte hapur”, u shpreh Kalaja.
Sipas gazetares, banorët vijojnë të ndihen të kërcënuar edhe sot, pasi njëri prej vëllezërve të autorit jeton ende si fqinj me ta. Ata fajësojnë sistemin e drejtësisë për zvarritjen e procesit dhe mungesën e një zgjidhjeje përfundimtare, që sipas tyre mund të kishte shmangur këtë tragjedi.
“Është denoncuar në prokurorinë e Shkodrës për kërcënim, 31 banorë kanë thënë se ai lëviz i armatosur dhe i kërcënon dita-ditës. Asgjë mesa duket nuk është marrë parasysh deri në këto momente. Është vëllai me 5 fëmijët dhe bashkëshprten, ky mbetet konflikt i hapur. Banorët sot thanë që edhe në këto momente ndihen të kërcënuar duke qenë se një nga vëllezërit jeton fqinj me ta, megjithatë fajësojnë sistemin që i ka lënë me një konflikt të hapur për vite me radhë.”, tha Kalaja.
“Ka qenë një konflikt i hapur, që është denoncuar me prova, me dëshmi, me kërkesa për mbrojtje. Banorët kanë treguar se Gjon Shkambi u është afruar deri te dritaret për t’i kërcënuar”, përfundoi gazetarja Kalaja.
