SPAK ka dhënë pretencën për vrasjen e Gentjan dhe Nezir Beqirit, babë e bir, ngjarje e ndodhur në vitin 2012 Elbasan.
Mësohet se Prokuroria e Posaçme ka kërkuar burg përjetë për Ardjan Çapjan dhe për Olsi Lekun. Për nipin e Ardjan Çapjan, Florenc Çapjan është kerkuar dënimi me 25 vjet burg. Ndërsa për të akuzuarit e tjerë Klajdi Dokoli dhe Etien Cani është kërkuar 20 vjet burg. Për Ervis Bardhin, i cili është personi që ka bashkëpunuar me drejtësinë,është kërkuar 6 vite burg.
Ardian Çapja u arrestua gjatë operacionit “Krasta 2021” për vrasjen e babë e bir në vitin 2012 në Elbasan, ndërkohë Florenc Çapja, nipi i tij është ende në kërkim.
Kujtojmë se Gentjan dhe Nezir Beqiri u vranë në banesën e tyre, ku Gentian Beqiri ishte në ‘arrest shtëpie’ dhe ruhej me dy policë në derën e shtëpisë, pasi akuzohej si autor i vrasjes së biznesmenit të njohur Sokol Çapja, ngjarje kjo e ndodhur në dhjetor të vitit 2005, i cili dyshohet se u pagua nga fisi i Çelajve.
Ekzekutimi u krye në ambientet e brendshme të banesës së tij, që ndodhet në lagjen “Sporti i vjetër” në Elbasan, teksa qëndronte i shtrirë në krevat pasi ishte i paralizuar. Ai është qëlluar për vdekje me 7 plumba nga një pistolete me silenciator dhe më pas është mbytur dhe babai i tij Nezir Beqiri.
E gjithë ngjarja ndodhi ndërkohë që jashtë derës së shtëpisë ruanin dy efektivat e policisë, të cilët u akuzuan më pas për “Shpërdorim detyre”.
