DURRËS- Një ditë pas vrasjes së emigrantit në Fllakë të Durrësit policia nuk ka ende asnjë person të dyshuar si autor të mundshëm. Burimet thonë se pista ku po hetohet është ajo e hasmërisë.
Familja e Xhevahir Bashës kishte një konflikt të hershëm të nisur në vitin 2008 me një fis tjetër nga Hasi, të cilët jetonin gjithashtu në Angli.
Por nuk përjashtohen as dy pista të tjera: Konflikte pronësie dhe implikim në trafikun e drogës.
42 vjeccari Xhevahir Basha jetonte prej vitesh në Angli dhe muajt e fundit ishte kthyer tek familja në Fllakë të Durrësit. Ai mbante dy identitete Xhevahir Brasha dhe Agim Cakaj, ccka i shton më shumë dyshimet e policisë mbi shkaqet e vrasjes.
“Po hetojmë në të gjitha pistat paraprakisht dhe na rezulton se
viktima rreth 8 vite më parë ka pasur përplasje me një fis nga Hasi,
në Londër. Mendojmë se 42 vjeçari ka ardhur para tre muajsh me
konflikte të mbartura nga Londra, ku jetonte vitet e fundit”, u
shprehën burime nga grupi hetimor.
Familja e 42vjeçarit me origjinë nga Hasi, ishte vendosur pas viteve
1990 në fshatin Fllakë të Durrësit, aty ku me të ardhurat e siguruara
nga emigrimi kishin investuar në pasuri të patundshme, kryesisht në
blerje të tokave.
