Pika të shumta kontrolli janë ngritur nga policia, në të gjitha hyrje daljet e qytetit të Fierit për ndalimin e 23-vjeçarit Azgan Mërnica, i cili vrau ditën e djeshme policin e forcave “Shqiponja”.
Në kërkim të autorit janë angazhuar forca të shumta policie FNSH dhe ato të RENEA-s.
Policia ka kontrolluar përgjatë gjithë natës në zonën Sulaj, Havaleas, Apolloni. Deri më tani janë shoqëruar 12 persona, familjarë të autorit.
Ditën e djeshme u zhvilluan edhe kontrolle me dron në zonë, pasi dyshohet se autori u arratis nëpër ara.
Nga vendngjarja ai u largua me automjet, i cili u gjet pak më vonë pasi autori e kishte lënë tek disa të afërm të tij.
