Presidenti amerikan Donald Trump sulmoi ashpër udhëheqësit demokratë për krizën e sigurisë pas dy vrasjeve të shtetasve amerikanë nga agjentë federalë në Minneapolis këtë muaj.
Në postime në Truth Social, Trump tha se demokratët “po vendosin kriminelët e huaj të paligjshëm mbi taksapaguesit dhe qytetarët që respektojnë ligjin”, duke akuzuar zyrtarët lokalë për refuzim të bashkëpunimit me zbatimin e ligjit federal dhe për nxitje të kaosit.
Ai ripërsëriti premtimin për “deportimin më të madh në historinë amerikane” dhe tha se shtetet dhe qytetet e drejtuara nga republikanët janë duke punuar pa probleme me agjencitë federale, ndërsa ato të udhëhequra nga demokratët po pengojnë operacionet kundër imigrantëve me dosje kriminale.
Trump i bëri thirrje guvernatorit Tim Walz dhe kryetarit të bashkisë së Minneapolis, Jacob Frey, të bashkëpunojnë me zyrtarët federalë dhe të dorëzojnë për deportim personat e huaj me rekorde kriminale, duke e quajtur situatën “rrezik për të gjithë” nëse kjo nuk ndodh.
Komentet e Trump vijnë ndërsa incidentet me agjentë federalë, përfshirë vrasjen e një 37-vjeçari amerikan në Minneapolis, kanë ndezur debate kombëtare për rolin e ICE dhe politikën e imigracionit, bashkë me kritika të forta nga udhëheqësit lokalë dhe demokratë për sjelljen e forcave federale.
