Ngjarja e rëndë në Shkoder ku janë gjetur të vrarë një burrë dhe një grua ka tronditur opinionin publik.
Ish-punonjësi i policisë Boran Ymer Berçama, i cili ka dhënë dorëhqejen nga strukturta e policisë para vettingut u gjet i vrarë në makinë së bashku me bashkëjetuesen Silvi Ndoci.
Ndërkohë që detaje të reja dalin nga jeta e dy të ekzekutuarve në Shkoder. Mësohet se Silvi Ndoci 27 vjeçe, ka qenë e martuar më parë dhe ka patur edhe një femijë.
Të afërm të tyre tregojnë se gruaja pas divorcit kishte ikur dhe jetonte me ish policin.
Ndërkohë që burime të tjera sqarojnë se edhe ish polici kishte ikur nga shtëpia e prindërve të tij dhe jetonte me qira në apartamentin në hyrje të të cilit u gjeten të ekzekutuar mengjesin e sotëm.
Sipas njoftimeve të fundit në vendngjarje janë gjetur 25 gëzhoja plumbash.
Në makinë ishte edhe fëmija 1 vjeç i tyre, i cili është marrë nga mjekët dhe po mbahet nën kontrollin e tyre.
Policia akoma nuk ka dhënë asnjë version për motivet e këtij krimi të rëndë. Por hetimet po vazhdojnë me intensitet.
