Gazetari i kronikës së zezë Artan Hoxha, ka zbardhur detaje të reja në lidhje me vrasjen ne Brilant Martinaj, kushëririt të Ervis Martinaj.
I ftuar në abc news, Hoxha ka deklaruar se autorët e Masakrës së Fushë Krujës që i mori jetën tre të rinjve, Brilant Martinajt, Diklen Vatës dhe Besmri Hoxhës kanë punuar për një muaj për të kryer atentatin.
Gazetari ka shtuar se ashtu si në atentatin ndaj Ylli Ibrahimit, ku mbeti i vrarë Klisman Preçi, autorët kontrolluan hyrje-daljet e trafikut për të mos lejuar makinat e tjera të lëviznin dhe për t’u arratisur më lehtë.
“Ka patur koordinim të lëvizjeve, dhe në Fushë Krujë të njëjtën gjë kanë bërë. Ata kishin dalë me jelekë policie dhe drejtonin trafikun, të njëjtën gjë kanë bërë edhe në Fushë Krujë.
Kur ndodh një ngjarje policia dhe për sy e faqe policia ka prezencë në atë zonë. Më datë 22 ndodh tjetra. Tek ngjarja e Fushë Krujës ata kanë qenë në mes të ditës, kishin punuar një muaj”, tha Hoxha.
