Ka shkuar në katër numri i të dyshuarve për vrasjen e shqiptarit Bledar Tërpollari.
Policia greke ka arrestuar një tjetër person, i cili dyshohet se është i përfshirë në vrasjen makabër të ndodhur rreth dy muaj më parë.
Mësohet se i dyshuari i katërt është një 27-vjeçar shqiptar, i arrestuar më parë në Igumenicë, për kalim të paligjshëm të kufirit, raporton panorama.
Veç 27-vjecarit të arrestuar sot, në Igumenicë janë burgosur edhe Emiljano Nana, 28 vjeç dhe Pajtim Jaupi 28 vjeç, të dy nga Tepelena, ndërsa në kërkim vijon të jetë Krenar Terpollari, 27 vjeç nga Backa e Skraparit, kushëri i viktimës.
Bledar Terpollari, 26 vjeç, u vra e iu pre koka në Gliki të Igumenices, në 9 maj, për larje hesapesh për trafikun e drogës.
