DURRËS- Është vënë në pranga sot autori i vrasjes së biznesmenit Arben Hasa. Ai u gjet i fshehur në një banesë të braktisur në mal, ku fshihej që prej ditës së vrasjes. Policia thotë se ka gjetur edhe armën e krimit, automatik kallashnikov.
Ngjarja
Arben Hasa u vra më 3 dhjetor në afërsi të fshatit Manëz në Durrës nga shoku i tij Miran Tila 43 vjeç.
Tila i kishte kërkuar të takoheshin. Kur Hasa është afruar afër banesës së tij e e ka qëlluar me kallashnikov. Arben Hasa i plagosur ka dalë nga makina dhe ka tentuar të largohet por shoku i tij e ka ndjekur me armë në krah deri kur e ka qëlluar për vdekje.
Ende nuk janë zbardhur plotësisht motivet e kësaj ngjarje të rëndë. Fillimisht është thënë se Hasa e kishte punësuar Tilën por më pas e kishte pushuar atë. Marrja në pyetje e autorit në polici, pritet të çojë në zbardhjen e ngjarjes.
