Prokuroria e Posaçme kundër Krimit të Organizuar dhe Korrupsionit ka dhënë pretencën për 5 personat e akuzuar për vrasjen e Behar Sofisë, ngjarje e ndodhur në shkurt të vitit 2021 në Tiranë.
Në pretencën e SPAK, kërkohet dënimi me nga 30 vite burg për 4 të pandehurit: Bujar Leza, Leonard Xhixha, Skënder Vathi, Xhuljano Visha.
Ndërsa për bashkëpunëtorin e drejtësisë, Ernejt Shytin, që ishte dhe personi që qëlloi ndaj Sofisë, SPAK ka kërkuar dënimin me 7 vite burg.
Ishte ky i fundit, që me statusin e bashkëpunëtorit të drejtësisë ndihmoi hetuesit në zbërthimin e grupit të vrasësve, të cilët i kishin dhënë Shytit porosinë për vrasjen e Behar Sofisë kundrejt shumës prej 50 mijë eurosh.
