Gazetari Spartak Koka ka sjellë në “Opinion” edhe një panoramë të vrasjes së Artur Kurti nga i biri, mbrëmjen e dy netëve më parë. Sipas policisë Artur Kurti dhe dhe bashkëshortja e tij jetonin në shtëpitë të ndara.
Alkoolizimi i Artur Kurtit kishte sjellë në agravimin e situatës dhe kishte sjellë edhe dhunë verbale. Bashkëshortja, Shpresa Kurti nuk kishte raportuar për dhunë nga i shoqi.
“Atë natë Artur Kurti pasi kishte pirë dhe shkoi me një thikë në shtëpinë e së shoqes. Aty derën ia ka hapur kunati, por nuk dihet kush ka qëlluar. Të dy, si i biri ashtu edhe kunati, kanë pranuar që kanë qëlluar por nuk dihet kush ka qëlluar. Por do të jetë laboratori daktilostopik që do të provojë se kush ka qëlluar. Por do jetë edhe instituti i mjekësisë ligjore që do provojë nëse viktima ishte i alkoolizuar apo jo”. -ka thënë gazetari Koka në Opinion.
