Ditën e sotme është zhvilluar gjyqi për Mikel Shallarin, i dyshuari për vrasjen e ish komisarit Artan Cuku. Mikel Shallari është shpallur fajtor për vrasjen e Cukut dhe Prokuroria e Krimeve të Rënda ka caktuar masën arrest me burg për 24 vjeçarin.
Duke u bazuar te provat e gjetura, të cilat kishin përpuethshëmri 100% me profilin e të dyshuarit, Prokuroria ka marrë vendimin e lartë përmendur. Mikel Shallari u ndalua nga policia në orët e para të mëngjesit të së dielës, teksa udhëtonte me dy persona të tjerë në automjetin e tij. Mësohet se ai nuk bëri rezistencë në momentin e ndalimit. Shallari nuk ka pranuar të japë asnjë detaj përpara hetuesve ditën e sotme, dhe i pyetur nga prokurori, ai u shpreh se nuk kishte asgjë për të shtuar. Shallari ka refuzuar të tregojë emrat e porositësve të vrasjes pa marrë parasysh lehtësirat e ofruara në këtë rast. Para disa orësh familja e vrasësit të paguar është marrë në mbrojtje duke ndryshuar edhe banesë. /Opinion.al
