Harry Simpson, një nga anglezët e përfshirë në vrasjen e biznesmenit Ardian Nikulaj, është arrestuar në Britaninë e Madhe.
Policia bën me dije se ai është kapur në një banesë në Londër, me qëllim ekstradimin drejt vendit tone
Harry Simpson, ishte shtetasi i fundit i shpallur në kërkim si bashkëpunëtor për kryerjen e kësaj vrasjeje.
“Si rezultat i bashkëpunimit të pandërprerë të strukturave të Policisë së Shtetit, me partnerët dhe agjencitë ligjzbatuese ndërkombëtare, me qëllim lokalizimin, kapjen dhe nxjerrjen përpara përgjegjësisë penale të të gjithë shtetasve të përfshirë në vrasjen e shtetasit Ardian Nikulaj, si dhe falë shkëmbimit në kohë reale të informacionit ndërmjet Interpol Tiranës dhe Interpol Manchester, u bë i mundur lokalizimi në një banesë në Londër, kapja dhe arrestimi me qëllim esktradimin, i shtetasit të shpallur në kërkim H. S. alias J. S., 32 vjeç, lindur dhe banues në Mbretërinë e Bashkuar”-njofton policia.
Gjykata e Rrethit Gjyqësor Lezhë ka caktuar për shtetasin H. S. alias J. S., masën e sigurisë “Arrest në burg”, për veprat penale “Vrasja për gjakmarrje”, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit”.
Nikulaj u vra më 19 prill të këtij viti në një atentat të mirë organizuar, ku ishin të përfshirë edhe shtetas të huaj, mes tyre dhe vrasësi portugez, Ruben Saraiva,
Sipas informacioneve, Edmond Haxhia ishte porositësi dhe organizatori i atentatit. Portugezi, Ruben Saravia ishte ekzekutori i planit ndërsa 4 britanikët e tjerë kishin rolin e vëzhguesit./Opinion.al
