Policët e burgut të Peqinit, të cilët ishin arrestuar për vrasjen në qeli të Arben Lleshit, janë lënë të lirë.
Mësohet se 11 zyrtarët e burgut të Peqinit, janë liruar nga gjykata e Apelit. Ndaj tyre rëndonte akuza e shpërdorimit të detyrës, ndërsa sot janë caktuar masa më lehtësuese, si “arrest në shtëpi” e “detyrim paraqitje”.
Ekzekutimi i të dënuarit përjetë, Arben Lleshi, në burgun e Sigurisë së Lartë në Peqin ndodhi më 15 dhjetor 2023. Ky i fundit u vra nga i burgosuri i dënuar përjetë Sokol Mjacaj.
Ekzekutimi i tij u bë në mënyrë mafioze, ndërsa ende mbetet mister mënyra se si është futur arma brenda atij burgu.
Vrasja dyshohet se është e mirë menduar dhe e urdhëruar nga jashtë, për qëllime hakmarrjeje.
