Një vrasje me armë zjarri është regjistruar në rrugën e fshatit Vilëz, Zhejë të Kurbinit.
Policia njofton se viktimë ka mbetur 67-vjeçari Dod Mamli, i cili është vrarë me armë nga persona ende të paidentifikuar.
Sipas Klan News, dyshohet se ngjarja ka ndodhur për motive gjakmarrje.
Dyshohet se Enrik Mamli, djali i viktimës, ka vrarë një person në vitin 2015 në qendër të Mamurrasit dhe ka plagosur 3 të tjerë.
Grupi hetimor ndodhet në vendngjarje dhe po punon për sqarimin e rrethanave dhe identifikimin e autorëve.
Ndërkohë shërbimet e Policisë po vijojnë kontrollet dhe në ndihmë të Policisë Vendore kanë shkuar 4 grupe të Forcës Kombëtare të Sigurisë, Njësia Shkodër.
