Policia e Shkodrës ka arrestuar pas 21 orësh kërkime Lekë Vuksanin, 34 vjeç, autori i vrasjes së 51-vjeçarit Petrit Vuksani.
Po ashtu, policia ka sekuestruar armën e zjarrit automatik me të cilën dyshohet se autori kreu krimin.
Dyshohet se krimi ka ndodhur për shkak se Petrit Vuksani, i cili kishte një muaj që ishte kthyer nga Anglia, kishte kërkuar që Lekë Vuksani të largohej nga banesa e tij që ia kishte lënë me qira.
34-vjeçari ka refuzuar të largohet, dhe mes tyre ka nisur një konflikt që shkoi deri në përdorimin e armës.
