Policia ka dhënë informacion zyrtar lidhur me vrasjen e Nikolin Markut (Lekstakaj) ditën e sotme në Balldre të Lezhës.
Policia bën me dije se pas vrasjes ka ngritur pika kontrolli e vijon krehja e zonës për identifikimin dhe kapjen e autorëve.
42-vjeçari është qëlluar me armë zjarri teksa ka qenë duke dalë nga një marketë ku kishte blerë një “Cola”.
Sipas informacioneve, ai është qëlluar me armë nga dy persona që kanë qenë brenda një makine në lëvizje.
Dyshohet se vrasja e Lekstakajt ka lidhje me vrasjen e biznesmenti Ardian Nikulajt.
Njoftimi i Policisë
Më datë 19.07.2023, rreth orës 18:30, në Balldre, Lezhë, në rrethana ende të paqarta është vrarë me armë zjarri shtetasi N. M (L), rreth 42 vjeç.
Menjëherë në vendngjarje kanë shkuar shërbimet e Policisë dhe kanë bërë rrethimin e zonës, janë ngritur pika kontrolli e vijon krehja e zonës për identifikimin dhe kapjen e autorit/ëve.
Grupi hetimor nën drejtimin e Prokurorisë po vijon punën për zbardhjen dhe dokumentimin e rrethanave të ngjarjes, identifikimin dhe kapjen e autorit/ëve.
