41-vjeçari, Elton Javori u ekzekutua mesditën e sotme në lagjen “16 prilli” në Fier.
Ende nuk dihen shkaqet e ngjarjes së rëndë por në një prononcim për mediat, fqinji i tij është shprehur se ai ka qenë një djalë i mrekullueshëm, shumë i dashur dhe i respektuar.
Po ashtu, ai tregoi se 41-vjeçari jetonte me familjen e tij, ndërsa vëllezërit e tij jetojnë në Gjermani.
“Unë jam rritur me të dhe farefisin e tyre. Ky djalë ka qenë i mrekullueshëm, familje e mrekullueshme, se nga i erdhi kjo nuk e di.
Sa u futa të pija kafe, dolëm vrap. Ai jetonte me familjen, vëllezërit i ka në Gjermani”-shprehet fqinji.
Policia ka identifikuar autorin e krimit dhe po punon për kapjen e tij.
