Janë publikuar disa pamje të reja pas vrasjes së 41-vjeçares shtatzënë në Greqi.
Në videon e regjistruar nga një kamera sigurie e një biznesi, shihen dy autorët e dyshuar të krimit, partneri i viktimës dhe shoku i tij, duke mbajtur trupin e saj në natën e ndërrimit të viteve në Kalamaria të Selanikut .
Sipas mediave greke, dy autorët japin versionet e tyre të ndryshme për atë që ka ndodhur dhe mohojnë çdo përfshirje në vrasjen e gruas shtatzënë. Partneri 39-vjeçar i gruas mësohet se ka qenë në shtëpi duke fjetur dhe nuk e di se si dhe pse është vrarë partnerja.
Nga ana e tjetër i pandehuri i dytë, shoku i partnerit të viktimës, pretendon se nuk dinte asgjë për aktin e vrasjes dhe se qëllimi i tij atë natë ishte grabitja e viktimës.
“Nuk ka pasur asnjë motiv tjetër, aq më pak qëllim vrasjeje”, thekson avokati që e përfaqëson, Giorgos Parigoris.
“Fillimisht ka marrë pjesë në imobilizimin e gruas dhe më pas, pas një tundje me kokë nga i akuzuari i parë, është nisur për në katin e poshtëm ku ka qëndruar për një kohë. Më pas i akuzuari i parë ka zbritur nga banesa dhe e ka njoftuar se gruaja ka vdekur”./Opinion.al
