Pas 5 netëve kaotike, me përleshje të dhunshme, zjarrvënie, sulme e plaçkitje të godinave publike pas vrasjes së një17-vjeçari nga policia, situata në Francë duket se po qetësohet. Më shumë se 150 vetë u arrestuan mbrëmjen e së dielës, krahasuar me mbi 700 të një natë më herët. Rreth 45 mijë efektivë policie u mobilizuan rreth vendit për të tretën ditë radhazi.
“Mendoj se disa njerëz shfrytëzuan protestat si mundësi për të bërë çfarë të donin. Ky nuk është një fenomen i zakonshëm”, tha Louise Schneider.
Të dielën, një zjarrfikës vdiq, teksa përpiqej të shuante flakët që përfshinë disa automjete, në një parkim nëntokësor në Seine-Saint-Denis, në veri të Parisit. Kryebashkiakët u bënë thirrje qytetarëve të mblidhen jashtë objekteve të bashkive, për të protestuar kundër dhunës dhe plaçkitjeve. Në një deklaratë për shtyp të shpërndarë të dielën shoqata e kryebashkiakëve në vend vlerëson se komunat kudo rreth Francës u bënë skena të trazirave serioze, që shënjestruar simbolet e republikës me dhunë ekstreme.
“Ne refuzojmë të lejojmë që vendi ynë t’i nënshtrohet kaosit. Fatkeqësisht kjo situatë nuk vjen si surprizë. Prej vitesh kryebashkiakët e Francës u kanë rënë kambanave të alarmit mbi degradimin e shoqërisë sonë”.
Ata i referohen edhe sulmit ndaj banesës së një kryebashkiaku në një qytezë në periferi të Parisit, ku mbeti e plagosur bashkëshortja e tij. Incidenti, po trajtohet si një përpjekjet për vrasje. Manifestuesit kanë dëmtuar dhe janë përpjekur tu vënë zjarrin disa godinave komunale rreth Francës që prej shpërthimit të trazirave. Të martën, presidenti Emmanuel Macron do të takohet me 220 kryetarë bashkish të cilën janë prekur nga dhuna. Në fundjavë, familja e 17-vjecarit, i cili u vra nga policia, NAHEL N, bënë thirrje për qetësi.
