Është mbajtur sot seanca e radhës ndaj 4 adoleshentëve të Gramshit. Prokuroria dha pretencën për 4 të miturit, të përfshirë në ngjarjen ku mbeti i vrarë Fatjon Bici.
Prokurori kërkoi 12 vjet burg për Orgito Çarçiu, i dyshuar si autori i vrasjes. Gjithashtu prokurori kërkoi nga 10 dhe 8 vite burg për bashkëpunëtorët e tij.
Prokuroria ka kërkuar maksimumin e dënimit që parashikon Kodi i Drejtësisë Penale për të mitur. Por gjykata më herët ka pranuar gjykim të shkurtuar për 4 adoleshentët.
Katër adoleshentët i bënë pritë kushëririt të Fatjon Bicit, me të cilin ishin konfliktuar në rrjete sociale. Ata sulmuan kushëririn e Fatjonit, ndërsa ky i fundit mbeti i vrarë me thikë teksa hyri për ta mbrojtur.
