Gjykata e Elbasanit dha ditën e sotme dënimin për 4 adoleshentët, të cilët vranë bashkëmoshatarin e tyre në Gramsh.
Katër të miturit vranë me thikë bashkëmoshatarin e tyre Fatjon Bici, ngjarje e ndodhur në maj të vitit 2023.
Ergi Karaj u dënua 12 vite burg për veprën penale të vrasjes në rrethana cilësuese, 10 vite burg për veprën penale plagosje dhe 10 vite burg për vrasje të mbetur në tentativë dhe 5.5 vite për armë mbajtje. Në total ai u dënua 27 vite burg dhe me gjykim të shkurtuar Gjykata vendosi përfundimisht 18 vite burg.
Orgito Çarçiu u dënuar për katër vepra penale 21 vite burg dhe në gjykim të shkurtuar ai do të vuajë 14 vite burg.
Xhonatan Çekrezi u dënuar nga gjykata për 4 vepra penale me 12 vite burg, në gjykim të shkurtuar 8 vite.
Ndërsa Stiven Murati u dënua nga gjykatësja me 10 vite burg dhe me gjykim të shkurtuar do të vuajë 6 vite e 8 muaj burg.
