Kreu i PD, Sali Berisha ka ngritur sërish denoncime lidhur me parregullsitë që kanë hasur, gjatë zgjedhjeve parlamentare të 11 majit.
Përmes një konference për shtyp, Berisha deklaroi se banda të ndryshme në çdo zona të vendit terrorizuan qytetarët pranë qendrave të votimit.
Më tej tha se ka pasur edhe persona të cilët ai i quajti ‘mercenarë’ të ardhur nga Kosova në mbështetje të mazhorancës.
“Ja, ky Xhabafti, përfaqësues i organizatës…Xhabaftët me akreditime false në qendrat e votimit në Vorë. Se janë një bandë këta, nja tre-katër janë Xhabaftë, pastaj kanë të tjerët rreth tyre.
Mercenarë të marrë nga veriu apo nga Kosova, kush e merr vesh se çfarë ishin, pasi kanë futur në listë një vajzë që është e zgjedhura e tyre, pastaj kanë punuar për Ceno Klosin, Koreshin, Klodian Lahjen.
Aktiv në krim, Julian Sula apo Juliani i Pashakos, i njohur për krimet e tij. Po kështu, Arben Qimja, Belinda Balluku e shpall në kërkim në mënyrë që ta detyrojë kur të ishte në kërkim të punojë për kandidatët e PS. Renato Salihi apo Renato Çami, ai punoi intensivisht për Ceno Klosin dhe Klodian Lahjen”, tha Berisha.
