Ka votuar kandidati i Partisë Demokratike për Tiranën Roland Bejko. Në një dalje për mediat, pas votimit Bejko tha se nëse qytetarët janë mërzitur nga klasa politike, të dalin masvisht në votime.
‘Sot është një ditë e rëndësishme për demokracinë shqiptare. Qytetarët të dalin masivisht në votime pasi do të zgjedhin ekipin për bashkinë e Tiranës. Është një ditë e madhe për demokracinë vendore. Qytetarët të ushtrojnë masivisht të drejtën e votës. Nëse qytetarët janë të mërzitur nga klasa politike, sot është dita që ata ta refuzojnë kapjen e tregut të Tiranës nga oligarkia. Qytetarët e Tiranës duhet t’i japin frymën Tiranës. I vetmi i djathtë në garë është Roland Bejko. Nëse qytetarët duhet të ndahen nga e shkuara sot e kanë ditën.’- tha Bejko.
