Kreu i komisionit Qendror të Zgjedhjeve, Ilirjan Celibashi ka votuar mesditën e sotme në shkollën “Kushtrimi i Lirisë” në kryeqytet.
Në një prononimcim për mediat ai u ka bërë thirrje qytetarëve që nuk kanë votuar që të dalin dhe të votojnë.
Më tej, Celibashi u shpreh se kushdo që shkel ligjin do të vihet para përgjegjësisë nga institucionet përkatëse.
“Mesazhi është i qartë për ata që ende nuk kanë votuar. Ata që janë në idenë që angazhimi i tyre mund të kontribuojë tej votës në proces, do të marrin përgjigje nga institucione përkatëse.
Shumë e rëndësishme që jo vetëm politikanë por edhe qytetarët të kuptojnë që kanë përgjegjësi në lidhje me procesin zgjedhor. Minimumi i dënimit është 3 vite dhe ky është një mesazh i qartë për të gjithë, është e rëndësishme që jo vetëm politikanët, por edhe votuesit të kuptojnë se kanë përgjegjësi në raport me procesin zgjedhor”, tha ai.
