Kreu i Partisë së Lirisë, Ilir Meta, ka ushtruar të drejtën e tij për të votuar në qendrën që i takon në Tiranë. Ai ka qenë i shoqëruar nga familja e tij bashkëshortja Monika Kryemadhi dhe fëmijët, djali dhe vajza.
“Ishte një kënaqësie e madhe që votova sot si një familje e kompletuar pasi për herë të parë votoi dhe Era. Kam një lutje për qytetarët e Tiranës dhe të Shqipërisë, pjesëmarrje, pjesëmarrje dhe vetëm pjesëmarrje. Gjëja më e rëndësishme dhe e drejta që ka një qytetar është vota, themeli i lirisë dhe i dinjitetit. Ushtrojeni këtë të drejtë përmes pjesëmarrjes, për tu bërë pjesë e ndryshimit për tu kërkuar llogari të gjithëve. Ditë e madhe për të gjithë merr fund monizmi absolut”, tha Meta pas votimit.
