Ish-Presidenti i Republikës së Shqipërisë Bamir Topi ka votuar ditën e sotme. Topi, i cili është kryetar i partisë Fryma Demokratike theksoi se është kundër bojkotit dhe gjithashtu se ditën e sotme ka kryer detyrën e tij si qytetar. Por sipas tij duhet bërë reflektim pasi vendi ndodhet në stadin më të ulët të demokracisë.
“Jam në vijim të bindjeve të mia të thella kundër bojkotit, parime të cilat i ka dhe subjekti ynë politik i cili merr pjesë në zgjedhje por edhe në vijim edhe një politike anti-bojkot që e kanë shprehur së fundmi dhe partnerët tonë kryesorë. Erdha për të bërë detyrën time qytetare dhe politike.
Sonte duhet të bëjnë një meditim të thellë. Duhet një reflektim qytetar për çfarë kanë bërë, pse e kanë sjellë demokracinë në Shqipëri në këtë nivel. Është standardi më i ulët i demokracisë që përjetojmë prej shumë vitesh. Duke filluar nga dita e nesërme, qofshin fitimtarë, qofshin njerëz që kanë bojkotuar duhet t’i thërrasin mendjes për të ardhur në procesin e reformimit politik. Shqipëria nuk mund të kthehet në monizëm. Mos pjesëmarrja imponon zgjedhje të sforcuara”, -u shpreh Bamir Topi./Opinion.al/
