Votimi i reformës, ambasada e SHBA: Udhëheqësit politike po japin shpresa

Ambasada e Shteteve të Bashkuara të Amerikës vlerëson faktin se reforma në drejtësi u miratua parimisht nga të gjitha forcat politike. Në një deklaratë për mediat në përfundim të mbledhjes së Komisionit, SHBA e cilëson një hap të rëndësishëm votimin e sotëm.
“Ambasada e Shteteve të Bashkuara mirëpret vendimin e Komisionit të Posaçëm për Reformën në Drejtësi për të pranuar në parim draftin përfundimtar të ndryshimeve kushtetuese, të përgatitur sipas rekomanimeve të Opinionit Përfundimtar të Komisionit të Venecias. Mbështetja unanime për këtë vendim duhet t’i japë popullit shqiptar shpresën se tani udhëheqësit politikë janë të përkushtuar ndaj miratimit të kësaj reforme. Mbështetja unanime është e pazakontë në Shqipëri dhe ne e përgëzojmë Komisionin e Posaçëm për këtë hap të rëndësishëm përpara në reformën në drejtësi”, thuhet në njoftimin e Ambasadës.