Lëvizja Socialiste për Integrim, njësoj si Partia Demokratike kërkon që projekti pilot për votimin dhe numërimin elektronik në zgjedhjet e 25 prillit të bëhet në qarqet, Fier dhe Korçë.
Më herët edhe Partia Socialiste i dërgoi propozimet e saj Komisionit Qendror të Zgjedhjeve.
Referuar nga propozimet e bëra nga tre partitë, konstatohet se ato janë dakord që ky projekt të implementohen në Korçë, por nuk ndajnë qëndrim të njëjtë për Fierin.
PS, ndryshe nga PD dhe LSI, kërkon që në vend të Fierit, projekti të implementohet në disa njësi administrative të Bashkisë së Tiranës.
Duhet theksuar se projekti pilot për teknologjinë në zgjedhje do zbatohet në 20% të zonave, pikë kjo e dakordësuar në Këshillin Politik. Për të vendosur se në cilat zona zgjedhore do zbatohet projekti pilot për të mundësuar numërimin dhe votimin elektronik, do duhet konsensusi i palëve politike, gjë e cila do të shmangte debatet e mëvonshme. /Opinion.al
