Ditën e sotme procesi i votimit u paraqit i qetë në të gjithë vendin,por nuk kanë munguar parregullsitë si nga komisionerët ashtu dhe nga qytetarët të cilët kanë shkuar për të votuar.
Në Finiq janë regjistruar pamje filmike të cilat tregojnë se qytetarët janë lejuar që të votojnë në mënyrë kolektive.
Komisionerët kanë lejuar të paktën dy herë votim kolektiv, gjë e cila përbën shkelje të ligjit.
Ndërkohë, një tjetër rast i shkeljes së ligjit raportohet dhe nga KZAZ e Delvinës. Ku denoncohet se sekretarja e kësaj KZAZ-je, Ilva Boci rezulton të jetë edhe e dyta në listën e këshilltarëve të PS për Këshillin bashkiak. Gjë e cila ndalohet rreptësosht nga Kodi Zgjedhor.
