Partia Socialiste është shpallur fituese edhe në Bashkinë e Rrogozinës. Mësohet se diferenca mes kandidatëvë të Koalicionit “Bashkë Fitojmë” dhe kandidatit të PS ka qenë vetëm 23 vota.
Edison Memolla nga Partia Socialiste ka marrë 5120 vota, ndërsa Shkëlqim Hoxha nga koalicioni “Bashkë Fitojmë” 5097 vota.
Shkëlqim Hoxha, kandidati i koalicionit “Bashkë Fitojmë”, e kryesoi garën gjatë gjithë kohës, ndonëse me diferencë të vogël. Deri në kutinë e fundit, ku rezultati u përmbys në favor të Edison Memollës të Partisë Socialiste.
Raportohet se kutia e fundit që u numërua në Rrogozhinë ishte ajo e burgut. Nga këto 92 vota shkuan për kandidatin e Partisë Socialiste, Edison Memolla dhe vetëm 12 vota shkuan për kandidatin e koalicionit “Bashkë Fitojmë”.
Diferenca prej 80 votash në Burgun e Rrogozhinës i dha fitoren PS.
