Kavaja ishte ndër Bashkitë që kishte një vëmendje të veçantë politike dhe mediatike në këto zgjedhje. Aty u mbajtën dy palë zgjedhje më 25 Qershor.
Pas 8 vitesh nën drejtimin e Elvis Rroshit, qytetarët kanë ndëshkuar këtë të fundit dhe PS duke çuar në krye të Bashkisë Isa Sajkën e PD-së. Diferenca e votave është e vogël vetëm 28 plus për PD, por gjithsesi mjaftueshëm për të ndryshuar drejtimin e bashkisë.
Drejtues i fushatës së të majtëve në Kavajë ishte ish-ministri i Financave Arben Ahmetaj. Me gjithë mobilizimin e hershëm të Ahmetajt për të mbledhur vota në Kavajë dhe vendimin me vonesë të PD për të marrë pjesë në këto zgjedhje, demokrati Sajka triumfoi.
Nuk është e njëjta panoramë në zgjedhjet e përgjithshme. Edhe pse zgjedhjet u zhvilluan në të njëjtën ditë, kavajasit i dhanë më shumë vota PS-së për zgjedhjet parlamentare. /Opinion.al
Rezultati për Bashkinë
Dorian Murati PS 11 127 vota
Isa Sajka PD 11 155 vota
Rezultati për Parlamentin
PS 10 215 vota
PD 9 321 vota
