TIRANË- Ishte lajmëruar në orën 09:00 të së dielës zbritja në Rinas e Sekretarit amerikan të Shtetit John Kerry. Por tani (ora 09:30) avioni amerikan ende nuk është parë në Rinas.
***
Në Rinas e pret Presidenti Bujar Nishani ku dhe do të ketë një takim të shkurtër mes tyre në sallën “VIP” të aeroportit.
Kerry, i cili vjen në Tiranë në 25 vjetorin e rivendosjes së marrëdhënies diplomatike mes dy vendeve, nuk do të qëndrojë gjatë në vendin tonë.
Nga Rinasi ai do të shkojë në selinë e Kryeministrisë ku do të takojë kreun e ekzekutivit, Edi Rama.
Në orën 11:00 është parashikuar edhe deklarata për e përbashkët për shtyp Rama-Kerry.
Më tej ai do të takojë në Rogner, liderin e opozitës, Lulzim Basha.
Takimi i fundit, sipas axhendës është në Muzeun Historik Kombëtar me përfaqësues të shoqërisë civile.
Rreth orës 14:00 është parashikuar që Kerry të lërë Tiranën.
