Presidentja e Komisionit Europian, Ursula von der Leyen, gjatë fjalës së saj në Samitin e Procesit të Berlinit, vuri edhe njëherë theksin në aspektin ekonomik të rajonit të Ballkanit, i cili sipas saj është ende nën mesataren e vendeve të Bashkimit Europian.
Von der Leyen u shpreh se plani i investimeve të BE ka si synim të çlirojë potenciale për të sjellë ekonominë e Ballkanit Perëndimor pranë mesatares së BE.
“Procesi i Berlinit ka si synim për të ecur përpara në rajon. Kemi hedhur themele me planin tonë të investime. 16 mld euro janë përdorur tashmë. Ekonomitë tona në Ballkan dhe në tregun e BE janë ende shumë larg. Duhet të çlirojmë potenciale në ekonominë e Ballkanit dhe ta sjellim pranë mesatares tonë. Ky është qëllimi.
Duam që në fusha specifike të hapim dyert e tregut të përbashkët për vendet e BE, për firmat, kompanitë dhe duhet ta krijojmë në lëvizjen e lirë të mallrave, transporti, energjia, pagesa pa para në dorë, që të jetë si në BE. Vendet e Ballkanit duhet të plotësojnë dhe tregun rajonal”, tha Von der Leyen.
Më tej Von der Leyen theksoi se vendet e Ballkanit Perëndimor duhet të kryejnë reformat e duhura.
“T’ju ofrojnë qasje fqinjëve të tyre në tregun e tyre nëse kanë bllokime. Këto reforma do të shoqërohen nga financime të BE dhe kjo është një stimul për të hapur dyert në aspektin ekonomik dhe që këto vende të kryejnë reformat e duhura. Vetëm duke punuar së bashku ne do të bëjmë të mundur që Ballkani Perëndimor të vijë aty ku i takon në zemër të Bashkimit Europian. Mesazhi im është ky “Këto janë momente kyce. Mos i leni mundësitë t’ju ikin dhe për këtë do të punojmë së bashku”-tha Von der Leyen.
