Raportuesja për Kosovën në Parlamentin Evropian, Viola von Cramon, ka akuzuar presidentin e Serbisë, Aleksandër Vuçiç, për rrëmbimin e tre policëve brenda territorit të Kosovës.
Në një postim të publikuar në Twitter, ajo shkruan se ai po e bënë këtë gjë për të larguar vëmendjen nga kriza e brendshme politike në Serbi.
“Protestat e rrugës vendase të Vuçiqit në Beograd duket se janë një nga arsyet kryesore të trajtimit krejtësisht të tepruar dhe të papërshtatshëm të 3 rojeve kufitare nga Kosova”, ka thënë ajo.
Eurodeputetja ka theksuar se është e paligjshme hyrja në territorin e Kosovës me forca special.
Ajo thekson se është e paligjshme të lidhësh policët si kriminelë lufte dhe t’i çosh në Beograd.
“Çfarë bëjnë autokratët kur janë nën presion brenda vendit? Ata kërkojnë mënyra dhe mjete për të larguar vëmendjen nga problemet në shtëpi. Një rast klasik i kësaj duket të jetë incidenti i djeshëm në zonën kufitare mes Kosovës dhe Serbisë…Edhe nëse ky operacion i nënshtrohet ligjërisht njoftimit, është e paligjshme të hysh në territorin e Kosovës me forcat speciale të policisë serbe dhe të lidhësh policët si kriminelë lufte, t’i çosh në Beograd”, ka shkruar ajo.
Policia e Kosovës deklaroi ditën e djeshme se tre zyrtarët kufitarë janë rrëmbyer nga forcat serbe gjatë një patrullimi në vijën kufitare në veri të Kosovës në kohën kur kanë qenë në detyrë brenda territorit të Kosovës./Opinion.al
🇽🇰🇷🇸Thread:
What do autocrats do when they are under pressure domestically? They look for ways and means to divert attention from the problems at home.
A classic case of this seems to be yesterday’s incident in the border area between #Kosovo and #Serbia.
— Viola von Cramon 🇺🇦🇪🇺 (@ViolavonCramon) June 15, 2023
