Deputetja e Partisë Demokratike, Albana Vokshi, gjatë një takimi me gratë dhe vajzat e Lezhës dhe Kukësit, ka prekur edhe njëherë rastet e fundit të abuzimeve seksuale me minorene, duke e cilësuar si modelin që qeveria Rama solli në pushtet.
“Lidhja Demokratike e Gruas Shqiptare e sheh me shqetësim mjerimin, poshtërimin, përçudnimin që po i bëhet nënave dhe vajzave shqiptare çdo ditë, nga mospërfillja shtetërore. Përdhunimi i të miturës në Kavajë mbetet simboli i shkatërrimit të çdo hallke të zinxhirit të shtetit, Drejtorisë Arsimore, prokurorisë e policisë që fshehën ngjarjen. Dhe këtë model e përçon kudo. Në Kavajë, kë vuri? Elvis Rroshin. Ju e dini se kë ka kryetarë në disa bashki të vendit, trafikantë ose përdhunues. Sepse ju e dini se kë ka futur brenda në Parlament. Prandaj kemi rastin të reagojmë”, tha Vokshi nga Kukësi. Dl
