Një nga avokatët e arrestuar në Greqi, si pjesë e mafies shqiptare që drejtonte burgun e Koridhalos është dhe një 45-vjeçare. Kjo e fundit, referuar mediave greke, rezulton të ketë lidhje intime me kreun e mafies së burgut, që është një shqiptar.
Ajo ka rënë në përgjimet e hetuesve greke duke biseduar vazhdimisht në telefon me shqiptarin që ndodhet brenda burgut.
Avokatja: Mirëmëngjesi vogëlushi im.
Shefi i mafias: Mirëmëngjesi.
Avokatja: Nga zëri më dukesh shumë mirë.
Shefi i mafias: Shyqyr.
Avokatja: Të dua shumë dhe nuk dua të të humbas.
Shefi i mafias: Të të pyes diçka?
Avokatja: Po.
Shefi i mafias: Tek ajo dhoma ku shkojmë dhe rrimë… Nga prapa çfarë ka?
Avokatja: Dashuria ime, më në fund. Më në fund fillove të arsyetosh, falë Zotit. Prapa kurrizit tuaj është muri, për të dalë nga gjykata e kam fjalën. Kurse në krah jo, në krah janë disa dhoma dhe pastaj është dalja, drejt dhe pastaj majtas.
Shefi i mafias: Tek ajo dhoma e vogël…
Avokatja: Ngjitur, më afër janë edhe disa dhoma të vogla.
Të dy flasin për planin e vrasjes në gjyq të dy dëshmitarëve dhe më pas arratisjen nga Gjykata e Apelit.
Në disa komunikime të tjera mes shqiptarit që drejton mafien e burgut të Koridhalos dhe avokatit të dytë të arrestuar, zbulohet se dikur shqiptari kishte urdhëruar vrasjen e tij para se të bëheshin bashkëpunëtorë./Opinion.al
