Një 41-vjeçar ka rënë në pranga të policisë së Shkodrës. Në operacionin e koduar “Transaksioni” është arrestuar Olsi Boriçi. Ky i fundit u kap në banesën e tij në Shkodër, ndërsa ishte dënuar me 10 vite burg.
Gjykata e Apelit Shkodër në vitin 2017, e ka dënuar me vendim të formës së prerë me 10 vite burg, për veprën penale “Vjedhje e bankave dhe arkave të kursimit” parashikuar nga neni 136/2 të Kodit Penal.
Olsi Boriçi ishte punonjës i një banke të nivelit të dytë dhe në bashkëpunim me një tjetër person kanë kryer disa transaksione në shuma të konsiderueshme parash pa miratimin e klientëve të kësaj banke dhe duke falsifikuar nënshkrimet e tyre kanë përfituar në mënyrë të paligjshme 28.000.000 lekë (të reja).
Këto veprime janë kryer në data të ndryshme të muajit shtator të vitit 2009. Po ashtu në vitin 2013, ai është përfshirë në një aksident ku ka përplasur për vdekje qytetar që po udhëtonte me biçikletë. / Opinion.al
