Një 24-vjeçar është arrestuar nga policia e Durrësit për vjedhje.
Uniformat blu njoftojnë se i riu ishte shpallur në kërkim pasi ka vjedhur në banesën e motrës së tij, një shumë parash dhe bizhuteri.
“Specialistët për Hetimin e Krimeve të Komisariatit të Policisë Durrës ndaluan shtetasin e shpallur në kërkim R. H., 24 vjeç, banues në Durrës, pasi dyshohet se me datë 04.09.2024, ka vjedhur në banesën e motrës së tij, një shumë parash dhe bizhuteri”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme./Opinion.al
